الاسم فى البداية قد يبدو انه غريب ، بس انت لازم تقرأ الكلام ده عشان تفهم الموضوع وتتعايش معاه ..
طبعاً كلنا عارفين مصطلح ( بدل فاقد ) يعنى بدل للشئ المفقود ...
احنا بقى مش عندنا شئ واحد بس مفقود احنا عندنا كتير ، من هنا بقى استوحينا الاسم الجمع ( بدل فوائد ) الجمع يعنى بتاعها ..
مع انها المفروض تبقى تتكتب كده ( بدل فواقد ) ، لكن عشان النطق العامى بتاعنا هتبقى وهتفضل كده ( بدل فوائد ) !
* طيب ايه بقى اللى فى المدونة يعنى ؟!
لا عادى هى عبارة عن مدونة الكترونية بسيطة ، بتحتوى على مجموعة من الكتابات اللى بتمر على البال مش اكتر ، مجرد تعبير عن الافكار بطريقة بسيطة ، نوصل الافكار اللى ممكن اللى بيقرأها يتفق معاها ويحس انها بتعبر عن اللى جواه او ما شابه !!
الكتابات دى بقى قد تتضمن مقال سياسى ، مقال فلسفى ، مقال فنى ، مقال دينى مقال علمى ... الخ !
مش محكومين بشئ معين .. الكتابة مفتوحة وموسعة بلا حدود بإذن الله :)
طبعاً بقى فى مجموعة اصول كده يعنى ( الاتيكيت بتاعنا )* :
تابع معانا كل شئ باستمرار .. على حسب ما بننشر بقى ، لاننا بندرس فبيبقى فى ضغوط ، لكن ان شاء الله نكتب باستمرار
تقدر تعلق على اى حاجة وتشاركنا النقاش حوالين اى حاجة من الحاجات اللى ممكن تنتشر ، لكن فى حدود الادب والحفاظ على الاخلاقيات .
* خاضع للتغيير فى اى وقت ، بيضاف عليه كل شوية !! .
بيكتب فى المدونة دى :
عبدالله محمد فرحات ،
محمود عبدالشفيع ،
مريم نصر ،
محمد محمود بيومى .
محمود عبدالشفيع ،
مريم نصر ،
محمد محمود بيومى .